02-Hazrat Saudah Radiallahuta'alaana

Hazrat Saudah Radiallahuta'alaana

»»»»»»»»»»»»»»»»»

»Ye Bhi Hamare Huzoor Sallallahualaihiwasallam Ki Muqaddas Biwi Aur Tamam Ummat Ki Maa Hain. Inke Baap Ka Naam Zam'ah Aur Maa Ka Naam Shamoos Hai.Ye Bhi Quraishi Khandaan Ki Bahot Hi Naamwar Aur Moa'azziz Aurat Hain.

»Ye Pehle Apne Chacha Zad Bhai Sakran Se Biyahi Gayi Thi.aur Islam Ki Shuruwaad Hi Me Ye Dono Miyan Biwi Musalmaan Ho Gaye The.aur Kuffar Ke Zulm O Sitam Se Tang Aa Kar Habsha Ku Hijrat Bhi Kar Chuke The.lekin Jab Habsha Se Wapas Ho Kar Dono Miya Biwi Makke Mukarrama Me Aa Kar Rehne Lage To Inke Shohar Ka Inteqal Ho Gaya Aur Huzoor Akram Sallallahualaihiwasallam Bhi Hazrath Khadijah Ke Inteqaal Ke Baad Din Raat Maghmoom Raha Karte The.Ye Dekh Kar Hazrat Khaula Binte Hakeem Radiallahuta'alaAnha Ne Baargahe Risalat Me Ye Darkhwast Pesh Ki Ke Ya RasoolAllah Hazrath Saudah Binte Zam'ah Se Nikah Farmalen Take Aapka Khana E Ma'aishat Aabaad Ho Jaye. Hazrat Saudah Bahot Hi Deendaar Aur Wafa Sh'uaar Khatoon Hain Aur Behad Khidmat Guzar Bhi Hain.

»Aap Ne Hazrat Khaula Ke Is Mukhlisana Mashware Ku Qubool Farma Liya. Chunanche Hazrat Khawla Radiallahuta'alaAnha Ne Hazrath Saudah RadiAllahuanha Ke Baap Se Baat Cheet Karke Nisbat Tay Kara Di Aur Nikah Ho Gaya.aur Ye Umr Bhar Huzoor AlaihisSalatoSalam Ki Zoujiyat Ki Sharf Se Sarfaraz Rahen.aur Jis Walihana Mohabbat O Aqidat Ke Sath Wafadari  Wa Khidmat Guzari Ka Haq Ada Kiya O Unka Bahot Hi Shandaar Karnama Hai.

»Hazrat Bibi Ayesha Radiallahuta'alaAnha Ke Sath Huzoor Ki Mohabbat Ko Dekh Kar Unhone Apni Baari Ka Din Hazrat Ayesha RadiAllahuta'alaAnha Ko De Diya Tha .Hazrat Ayesha RadiAllahuta'alaAnha Farmaya Karti Thi Ke Kisi Aurat Ko Dekh Kar Mujhko Ye Hirs Nahi Hoti Thi Ke Main Bhi Waisi Hi Hoti Magar My Hazrat Saudah RadiAlalhuanha Ke Jamaal E Soorat O Husn E Seerat Ko Dekh Kar Ye Tamanna Kiya Karti Thi Ke Kash Main Bhi Hazrat Sauda Jaisi Hoti.Ye Apni Dosri Qisam Qisam Ki Khubiyon Ke Sath Bahot Fay'yaz O Aala Darje Ki Sakhi Thi.

»Ek Martaba Ameerul Momineen Hazrat Umar RadiallahuTa'alaAnhu Ne Apni Khilafat Ke Zamane Me Darhamon Se Bhara Huwa Ek Thaila Hazrat Bibi Sauda Radialalhuta'ala Anha Ke Paas Bhej Diya. Unhone Us Thaile Ko Dekh Kar Kaha Ke Waah Bhala Khajuroon Ke Thaile Me Kaheen Dirham Bheje Jate Hain?? Ye Kaha Aur Uth Kar Usi Waqt In Tamam Darhamon Ko Madine Munawwara Ke Fuqra O Masakeen Ko Ghar Me Bula Kar Bant Diya Aur Thaila Khali Kar Diya.

»Imam Bukhari Aur Imam Zahbi Ka Qoul Hai Ke 23 Hijri Me Madine Munawwara Ke Andar Inki Wafat Huwi .Lekin, Waqdi Aur Sahebe Akmaal Ke Nazdeek Inki Wafat Ka Saal Choupan (54) Sane Hijri Hai. Magar Allama Ibn Hajar Al-sqalani Ne "Taqreebut Tahzeeb" Me Inki Wafat Ka Saal Pachpan (55) Hijri Shawwal Ka Mahina Likha Hai . Inki Qabre Munawwar Madine Munawwara Ke Qabrastaan Jannatul Baqi Me Hai.
(Zarkhani 599)

Tabsira:

»Gaur Karo Ke Hazrat Bibi Khadijah RadiAllahuanha Ke Baad Hazrat Saudah RadiAllahuanha Ne Kis Tarha Huzoor AlaihisSalatoSalam Ke Gham Ko Door Kiya Aur Kis Tarha Kashane Nabuwwat Ko Sambhala Ke Qalbe Mubarak Mutma'in Ho Gaya.

Aur Phir Inki Mohabbat E Rasool(SallallahuAlaihiWasallam) Per Ek Nazar Dalo Ke Unhone Huzoor ﷺ Ki Khushi Ke Liye Apni Baari Ka Din Kis Khush Dili Ke Sath Apni Sauth Hazrat Bibi Ayesha Ko Dediya.

»Phir Inki Fayyazi Aur Saqawat Ko Bhi Dekho Darhamon Se Bhare Huwe Thaile Ko Chand Minton Me Fuqra Aur Masakeen Ke Darmiyaan Taqseem Kar Diya.aur Apne Liye Ek Darham Bhi Na Rakha.

»Maa Behno..! Khuda Ke Liye In Ummat Ki Maaon Ka Tarze Amal Se Sabaq Sekho Aur Neek Biwiyoun Ki Fehrist Me Apna Naam Likhao.Hasad Aur Kanjoosi Na Karo Aur Kaam Choor Na Bano.

📗(Jannati Zewer:pg-368)

Allah In Neek Biwiyoun Ke Sadqe Se Hamko Gunahon Se Bachne Ki Toufeeq Ata Kare.....

Aameen.....

By :- kaneez E Aala Hazrat