islam Aur Aatankwaad Post No:-31

ISLAM AUR AATANKWAAD HAQIQAT KE AAINE ME

Post No. 31

➡️ Gair Muslimo Ke Saath Muslmano Ka Sulooq

◼️ Tarikh Ka Mash'hoor Vakiya He Ki Valid Bin Abdul Malik ne Damishq Ke Kalis-E-Yohna Ko Zabardasti Isaiyo Se Chhin Kar Masjid Me Shamil Kar Liya ! Lekin Islam Ke Pehle Mujaddid Hazrat Umar Bin Abdul Aziz Radiyallahu Ta'la Anhu Khilafat Ki Gaddi Par Bethe Aur Isaiyo Ne Unse Shikayat Ki To Unho Ne Fauran Hukm Diya Ki Masjid Ka Jitna Bhi Hissa Girza Ki Imarat Par Taamir Kiya Gaya He Use Gira Kar Isaiyo Ko Vapas Kar Diya Jaye !

◼️ Junge Yarmuk Se Pehle Jisme Rumiyo Ka Do Lakh Ka Lashkar 30 Hazar Muslmano Ke Muqable Me Aaya Jab Muslmano Ne Junge Ke Halat Aur Mauke Ki Nazakat Ke Madde Nazar Rakhte Huve Hams(Ek Saher Ka Naam) Vagera Ko Khali Karna Jung Ke Liye Zaroori Samja To Islami Faujo Ke Sipahsalar(Leader) Hazrat Abu Ubaida Radiyallhu Ta'la Anhu ne Apne Tamam Genralo Ko Ye Hukm Diya Ki Jo Jizya(Gair Muslimo Se Unki Hifazat Ke Badle Me Liya Jane Wala Tax) Gair Muslimo Se Vasool Kiya Gaya He Wo Vapas Kar Diya Jaye !

◻️ Aur Unhe Bataya Jaye Ki Hamne Tumhari Hifazat Ki Zimmedari Qubool Ki Thi Lekin Is Waqt Ham Use Nibhane Se Majboor He Is liye Ye Jizya Ki Rakm Tumko Vapas Ki Jaa Rahi He. Lekin Agar Allah Ta'la Ne Hame Dushman Par Kamyab Kiya To Jo Muahida Hamare Aur Tumhare Darmiyan Kiya Gaya He Vo Apne Haal Par Baki Rahega ! Jab Vaha Ke Bashindo Ne Musalmano Ka Ye Husne Sulooq Dekha To Unki Aankho Me Aansu Chalak Aaye Yaha Tak ki Vo Musalmano Ke Liye Ro Ro Kar Duvaye Karne Lage Ki "Allah Tumhe Vapas Laye Aur Dushman Par Fateh Nasib Farmaye !"

 ➡ Mazmoon Jaari Rahega.