Kalimate Taiyabaat

Kalimate Taiyabaat

Imaan E Mujammil : "Main Imaan laya ALLAH Ta'ala par jaisa ke Woh Apne Naamo awr Apni Sifa'at ke saath hai awr Maine Uske Tammam Ahkaam, Zubaan se Iqrar awr Dil se Tasdeeq karte huye Qubool kiye".

Imaan E Mufassil : "Main Imaan laya ALLAH Ta'ala par awr Uske Farishton par awr Uski Kitabon par awr Uske Rasoolon par awr Qiyamat ke Din par awr Is Baath par ke Acchi awr Buri Taqdeer ALLAH Ta'ala ki taraf se hai awr Maut ke b'ad Zinda kiye jane par".

1 Pehla Kalma Tayyab : "ALLAH Ta'ala ke Siwa koi Ibadat ke Layaq nahi, Hazrat Muhammad ﷺ ALLAH Ta'ala ke Rasool hain".

2 Dusra Kalma Shahadat : "Main Gawahi Deta hoon ke ALLAH Ta'ala ke Siwa koi Mabood nahi, Woh Akela hai, Uska Koi Shareek nahi, awr Main Gawahi Deta hoon ke Beshak Hazrat Muhammad ﷺ ALLAH Ta'ala ke Bande awr Uske Rasool hain".

3 Teesrah Kalma Tamjeed : "ALLAH Ta'ala Paak hai awr Sab Tareefain ALLAH Ta'ala keliye hai awr ALLAH Ta'ala ke Siwa Koi Mabood nahi awr ALLAH Bohat Bada hai, Gunahon se Bachne ki Taqat awr Neeki karne ki Taufeeq ALLAH Ta'ala hi ki taraf se hai Jo Bohat Buland awr Azmat Wala hai".

4 Chawtha Kalma Tauheed : "ALLAH Ta'ala ke Siwa Koi Mabood nahi, Woh Akela Hai, Uska Koi Shareek nahi, Uske liye Baadshahi hai awr Usi keliye Tareef hai, Wahi Zinda Karta hai awr Wahi Maut Deta hai, awr Woh Khud Zinda hai Usko Hargiz kabhi Maut nahi ayegi, Bade Jalaal awr Buzurgi Wala hai, Iske Dast E Qudrat me Bhalai hai awr Woh Har Cheez par Qadir hai".

 5 Panchwan Kalma Astaghfaar : "Main ALLAH Ta'ala se Muafi Mangta hoon Jo Mera Malik hai, Har Gunah se Jo Maine Jaan Boojh kar kia ya Galti se, Jo Maine Chupkar kia ya Zahir hokar, Main Uski Bargah me Taubah karta hoon har Us Gunah se Jo Main Janta hoon awr Us Gunah se bhi Jo Main nahi Janta, (Ilahi !) Beshak Tu Poshida Baaton ka Janne Wala, awr Ayebon ko Chupane Wala, awr Gunahon ka Bakshne Wala hai, Gunahon se Bachne ki Taqat awr Neeki Karne ki Taufeeq ALLAH Ta'ala hi ki taraf se hai Jo Bohat Buland awr Azmat Wala hai".

6 Chatta Kalma Radd E Kufr : "Aye ALLAH ! Main Teri Panah Mangta hoon Iss Baath se ke Main Jaan Boojh kar Kisiko Tera Shareek banao, awr Main Tujhse Muafi Mangta hoon us Shirk ki bhi jisse Main nahi janta, Maine Isse Taubah ki awr Main Bezaar hua Kufr se awr Shirk se, awr Jhooth se, awr Gheebath se, awr Bid'at se, awr Chugli se, awr Be Hayayion se, awr Bohtaan se, awr Tamam Gunahon se, awr Main Islaam laya awr Main Kehta hoon "ALLAH Ta'ala Ke Siwa Koi Mabood nahi, Hazrat Muhammad ﷺ ALLAH Ta'ala ke Rasool hain".