islam Aur Aatankwaad Post No:-26

ISLAM AUR AATANKWAAD HAQIQAT KE AAINE ME

Post No. 26

➡️ Islam Ka Tarika E Jung

⏭  Loot Maar, Tabahkari Ki Rok  ⏮

🔷 Abdullah Bin Yazid Riwayat Karte Hai Ke Huzur ﷺ Ne Loot Ke Maal Ko Haram Karar Diya. 

( Kanzul Ummal, Jild 2, Safah 350) 

🔷 Jung e Khaibar Me Sulah Ho Jaane Ke Baad Jab Islami Fauj Bekaabu Ho Gai Aur Unhone Lootmaar Sharu Kar Di To Yahoodiyo Ka Sardar Huzur ﷺ Ke Pass Aakar Shikaayat Ke Andaaz Me Bola

⏩ Aye Muhammed ﷺ ! Kya Tumko Ye Bhata Hai Ke Hamare Gadho Ko Kato, Hamare Phal Kha Lo, Hamari Aurto Ko Maro. Is Par Aapne Tamam Lashkar Ko Jama Karke Taqrir Farmai:

🔷 "Kya Tum Me Koi Shaksh Guroor Ke Takht Par Betha Ye Samaj Raha Hai Ke Allah Ne Un Chizo Ke Siwa Jo Usne Qur'an Me Haram Ki Hai Koi Aur Chiz Haram Nahi Ki. Khuda Ki Kasam Me Jo Kuch Tumko Nasihat Karta Hu Aur Jin Chizo Ko Karne Ya Na Karne Ka Tumko Hukm Deta Hu Vo Bhi Qur'an Ki Tarah Hai Aur Allah Ne Tumhare Liye Jaiz Nahi Kiya Ke Tum Ahle Kitab ( Yani Isaiyo, Yahoodiyo ) Ke Gharo Me Bina Ijazat Ghus Jaao, Unki Aurto Ko Maro Pito Aur Unke Phal Kha Jao, HalanKe Un Par Jo Kuch Wajib Tha Vo Tumko De Chuke."

( Kanzul Ummal, Jild 1, Safah 114 ) 

 ➡ Mazmoon Jaari Rahega.