islam Aur Aatankwaad Post No:-39

ISLAM AUR AATANKWAAD HAQIQAT KE AAINE ME

Post No. 39

💠 Iraqiyo Ki Hifazat Ke Naam Par Zulm o Sitam Ka Konsa Vo Nanga Khel Hai Jo Iraq Ke Musalmano Ke Saath Na Khela Gaya Ho. Iraqi Kaidiyo Ko Nanga Karke Unki Sharmgaho Ke Saath Khilwad Karna Kya Aatankwaad Nahi Hai? Saddam Hussain Ke Saath Janwaro Sa Sulook Aur Phañsi Par Latkana Kaha Ki Sharafat Hai. Batao Kisi Akhbaar Ya News Channel Ne Isko Americi Aatankwaad Se Taabir Kiya. 

💠 Chand Aatankwaadi Jinka Islam Se Door Tak Koi Ta'alluq Nahi Jinke Naam Sirf Musalman Jaise Hai Agar Vo Kahi Bam Visfot Karte Hai To Fauran Islam Ko Badnam Karne Wale Mendhak Apna Gala Phadne Lagte Hai. Lekin Kabhi Unhe Iraqiyo Ke Chote Chote Bachcho Ki Laashe Dekhkar America Ko Aatankwaadi Kehne Ki Jurrat Hui? Kabhi Americi Faujiyo Ke Hatho Naujawaan Musalmaan Ladkiyo Ki Izzat Lootne Par America Ke Khilaf Kisi Tanzeem Ne Koi Aandolan Ya Ehtejaj Kiya? 

💠 Aapko Ta'ajjub Hoga Ke Dusri Jung e Azeem ( Second World War) Ke Dauran Jo Americi Fauj Apne Dost Mulk England Me Thehri To Unki Ayyashi Aur Gundagardi Ki Vajah Se Khud Americi Akhbaro Ke Ek Andaze Ke Mutabik 70,000 Bachche Paida Huve. 

( Almisri-28.3.54 ) 

💠 Ab Aap Gaur Kare Ke Jo Fauj Apne Dost Mulk Me Apni Jaanwaro Si Hawas Ka Ye Suboot De To Vo Fauj Dushmano Ke Mulk Me Vaha Ki Aurto Ke Saath Kya Sulook Karti Hogi Aap Khud Samaj Sakte Hai. Phir Ye Baat Bhi Zaahir Hai Ke Media Tak Har Baat Nahi Pahuchti Aur Us Par Bhi Sitam Ye Ke Media Par Bhi Dushmano Ka Kabza. 

💠 Aap Soche Ke Na Jaane Kitne Musalman Aise Honge Jinki Laashe Bhi Unke Ghar Walo Ko Nasib Nahi Hui Hogi, Na Jaane Kitni Musalman Behne Aisi Hogi Jinhone Apni Izzat Lootne Ke Baad Khud Maut Ko Apne Gale Laga Liya Hoga. Na Jaane Kitne Bachche Apne Maa-Baap Ki Soorat Dekhne Ko Taras Gaye Honge. Magar Hai Koi News Channel Jo Un Mazloomo Ki Aawaz Duniya Ko Sunaye? Hai Koi News Paper Jo Musalmaano Ki Be-kafan Lasho Ki Tasveer Duniya Ke Saamne Pesh Kare?  

 ➡ Mazmoon Jaari Rahega.