ISLAM AUR AATANKWAAD HAQIQAT KE AAINE ME
Post No. 9
➡ Jihad Quran Ki Roshni Me
🔶 Is Tasveer Ko Apne Zehan Me Rakhte Hue Aap Zara Us Kaum Ke Bare Me Tasavvur Kijiye Ke Jiske Upar Saalo Tak Zulm Va Sitam Ke Pahad Tode Gaye Jinko Nange Badan Tapti Ret Par Litaya Gaya Aur Aakhir Me Jinhe Majboor Hokar Apna Ghar Bar Chhodna Pada Ho Ab Agar Isi Kaum Ko Aath (8) Saal Baad Apne Dushmano Par Fatah Hasil Ho To Aap Bataiye Ke Ye Kaum Apne Upar Hue Zulm Ka Inteqam Legi Ya Nahi. Yakinan Aap Ka Jawab Ha Hoga. Aur Phir Us Manzar Ko Bhi Apne Khayal Me Laaiye Jo Inteqam Ke Waqt Dushmano Ka Hoga.
🔶 Magar Kurbaan Jaaiye Qur'an Ki Taalim Par Ke Is Se Pehle Ke Inteqam Ka Jwalamukhi Apna Lava Ugle, Is Se Pehle Ke Hukumat Va Iqtedar Ki Bagdor Musalmano Ke Hath Me Aaye, Is Se Pehle Ke Purane Zakhm Apni Rudad Sunaye, Is Se Pehle Ke Unke Makano Ke Khandar 8 Saal Baad Unki Aankho Ke Samne Apni Daastane Gam Bayan Kare, Is Se Pehle Ke Musalmano Ke Hatho Se Adal Va Insaf Ka Daman Chhut Jaye, Is Se Pehle Ke Musalmano Ke Sabr Ka Paimana Labrez Ho Jaye, Allah Ta'ala Apne Bando Ko Hidayat Farmata Hai Ke Kisi Kaum Ki Dushmani Tumhe Is Baat Par Na Ubhare Ke Insaf Na Karo. Insaf Karo Ke Vo Parhezgari Se Zyada Karib Hai.
🔶 Aap Bataye Ke Jo Parvardigar Apne Dushmano Par Bhi Zulm Va Zyadati Ko Napasnad Karta Ho, Vo Kis Tarah Bachcho Aur Aurto Ko Sar e Raah Bamo Se Udane Ki Ijazat De Sakta Hai?
➡ Mazmoon Jaari Rahega.
0 Comments