islam Aur Aatankwaad Post No:-37

ISLAM AUR AATANKWAAD HAQIQAT KE AAINE ME

Post No. 37

💫 Huzur ﷺ Jaha Dastkhat Karne Se Pehle Apni Baat Par Atal Rahe Vaha Kuffare Makka Muaaheeda Pakka Hone Ke Baad Bhi Us Par Kayam Na Reh Sake. Idhar Kuffare Makka Ki Baar Baar Ki Bad-ahadi Se Bhi Aapne Makka Ko Fateh Karne Ka Irada Kar Liya Aur Aapne 10,000 Jaañ-Nisaaro Ke Saath Makka Par Chadhai Kar Di. 

💫 Charo Taraf Islami Faujo Ka Hujoom Dekh Kar Kuffare Makka Ghabra Gaye. Abu Sufiyan [Kuffare Makka Ka Leader] Aapki Baragah Me Haazir Huve. Us Waqt Abu Sufiyan Ke Tamam Pichle Gunah Saamne The. Islam Ki Dushmani, Madine Par Baar Baar Hamla, Huzur ﷺ Ko Qatl Karne Ki Koshish.

💫 Inme Se Har Gunah Unke Qatl Ka Daavedar Tha. Magar Rehmat e Aalam ﷺ Ki Shaan In Sabse Bahut Unchi Thi. Uske Tamam Gunaho Par Aapne Maafi Ka Parda Daal Diya. Ahle Makka Me 10,000 Ki Fauj Ke Mukable Ki Takat Na Thi. Sabko Apni Jaane Mushkil Me Nazar Aane Lagi. 

💫 Lekin Huzur ﷺ Ne Makka Me Daakhil Hote Hee Elan Kar Diya Jab Tak Koi Hamla Na Kare Kisi Par Talwar Na Uthai Jaaye. Uske Baad Elan E Aam Kar Diya Gaya Ke Jo Shaksh Haram Me Chala Jayega Ya Darwaja Band Kar Lega Vo Mehfooz Rahega Aur Thik 8 Saal Baad Us Sarzameen Par Nirali Shaan Se Daakhil Huve Jaha Se Kuch Kiya Tha. 

💫 Iske Baad Aapne Sabke Saamne Khitab Farmaya. Khitab Ke Baad Aapne Nigahe Utha Kar Dekha To Tamam Kuffar Maujood The. Unme Vo Zaalim Bhi The Jo Hamesha Islam Ko Mitane Ki Koshish Karte The. Vo Bhi The Jo Aapko Tarah Tarah Ki Taklif Dete The. Vo Bhi The Jo Kamzor Musalmano Ko Tapti Ret Par Lita Dete The.  

 ➡ Mazmoon Jaari Rahega.